Nazir bəstəkarın oğluna yüksək vəzifə verdi

Daxili işlər naziri, general-polkovnik Ramil Usubov bir neçə gün öncə daha bir kadr təyinatı həyata keçirib.

Regionxeberleri.com-un “Qafqazinfo”a istinadən verdiyi xəbərə görə, nazirin əmri ilə Bakı Şəhər Baş Polis İdarəsinin İctimai təhlükəsizlik idarəsinin rəis müavini, polis polkovnik-leytenantı Elçin Kazımi Çevik Polis Alayının komandiri, general Səhlab Bağırova müavin təyin edilib.

E.Kazımi daha əvvəl də Çevik Polis Alayında işləyib, Səhlab Bağırov da “Qorotdel”in rəis müavini olmadan öncə ÇPA-nın komandiri olub. İndi isə hər iki polis zabiti köhnə işinə geri qayıdıb.

E.Kazımi bəstəkar Oqtay Kazıminin oğludur. O.Kazımi polis marşı və Çevik Polis Alayının marşını bəstələyib.

    Oxunma sayı (7)

Pin It

Şərh üçün bağlıdır.