“Maşın”da Murada ağır ittihamlar – “Onun quramasıdır

1507799639_1507791486_4160b1260c113b773be1dc3f92c64e24

Ötən gün “ATV”-də yayımlanan “Maşın şou” qalmaqalsız ötüşməyib.

RegionXeberleri.com Lent.az-a istinadən məlumatına görə, yarışın növbəti efir günündə səs verməyə meyxanaçı Samirə Yusifqızı çıxıb. İfaçı oyun zamanı qalmaqallı çıxışlar edib. O bildirib ki, bu yarış Murad Dadaşovun quramasıdır: “Səsvermənin çevrilişini Murad Dadaşov edir, özü tənzimləyir. İstəmirlər ki, şouda qalım”.

Onun reklam arası işlətdiyi bu ifadələr canlı efirdə təqdim olunub. Müğənni çəkilişdən xəbərsiz olduğunu və fikrinin başqa cür anlaşıldığını izah etməyə çalışıb. Murad Dadaşov isə onun sözlərinə bu cür cavab verib: “Təbii ki, bu fikirlərinizə görə sizi yarışmadan uzaqlaşdıra bilmərəm, şəxsi fikrinizdir. Ancaq diqqətli olaq, burada böyük insanlar yarışıb, şou 12 ildir ki, davam edir. Yanlışlıq olsaydı proqram bu qədər davam etməz, sevilməzdi”.

Qeyd edək ki, Sonda S.Yusifqızı 87.64 faiz getsinə səs yığaraq yarışmanı tərk edib. O bildirib ki, onun ilk hədəfi meyxanaçı Vüqar Əbdulov olub. Lakin səs yığacağı halda xalq artisti Arif Quliyevi oyundan uzaqlaşdıracaqmış.

    Oxunma sayı (5)

Pin It

Şərh üçün bağlıdır.